Diadomingo anochi alrededor di 9:20 pm a sosode un accidente riba L. G. Smith Boulevard na altura di rotonde cerca di Wendy’s. E hefe di polis pa districto di Playa tabata bayendo cu urgencia pa un accidente cu persona no ta duna señal di bida y a hay’e envolvi den un caso di boksmento.
E tabata bayendo cu zwaailicht y sirene, pero chauffeur di un Chevrolet color shinishi no a mir’e y a dal contra di e patruya. A notifica polis di e trafico di e situacion, pa cual a documenta e accidente aki. Daño material tabata minimo y no tabatin ningun persona cu a resulta herida.
