Darlaine Erasmus: Ta pidi minister Croes un number central di ayudo

720

Parlamentario di fraccion di MEP Darlaine  ta preocupa cu e situacion reinante unda cu hobennan ta envolvi den delitonan grave. Un situacion e ta kere cu ta bini pa motibo di problemanan social existente.

E dos crimennan cu a tuma luga na final di 2020 y inicio 2021 cu hobennan envolvi tin atencion di parlamentario di MEP Darlaine Erasmus. Un situacion cu a shock y tin tur hende preocupa. “Nos sa cu na Aruba tin hopi problema den famia, cu hobennan y relacion di pareha. Tur esaki ta haci cu e problemanan social ta bira mas grandi tambe,” tabata comentario di e parlamentario.

E tin un apelacion  na tur ciudadano cu mira cu nan tin problema, por busca e ayudo necesario cerca profesionalnan den e ramo y na tempo. Gobierno mes, el a bisa, a bini cu diferente proyecto nobo y necesario pa yuda comunidad. Por ehempel Centro Hoben y Famia, bou di e programa di Crisisplan Aruba, pero no ta mucho conoci ainda bou di comunidad. 

Darlaine Erasmus: Ta pidi minister Croes un number central di ayudo

Darlaine Erasmus: Ta pidi minister Croes un number central di ayudo

Posted by 24ora on Wednesday, January 13, 2021

E ta kere cu pueblo mester haya mas conexion cu e instancianan cu ta brinda ayudo na Aruba. Tin hopi profesional haciendo un gran trabou, pero si e informacion no ta yega cerca e hendenan, nan no por duna ayudo na esnan cu mester di dje. Den e pandemia, a duna diferente number cu cual por comunica pa busca ayudo. P’esey via di un carta cu e ta bay manda pa minister Glenbert Croes, e ta conseha pa sigui cu e mesun practica di durante COVID. Pone un number central unda henter Aruba tin acceso na dje pa cualkier problema social cu por tin.