Hopi desapunta! Increibel pero berdad con un Hues ta dicta un sentencia di e manera aki. Loke a sosode aki ta cu un Hues ta bin sinta riba stoel di Minister! E ta un precedentschepping tambe cu mayan ningun otro gobierno NO por retira un miembro di hunta di supervision sin mas!
Den Lotto pa Deporte mal maneho a wordo prueba. Director di e fundacion a wordo kita for di trabou. E hecho aki caba ta demostra cu NO tabata y NO tin supervision of control. Miembronan di hunta di directiva ta cambia e statuto pa nombra nan mes pa bida largo despues di eleccion di aña 2017, acaso Hues no ta haya esaki un decision politico. Nos ta papia aki di amigonan personal di Mike Eman, activistanan di AVP cu a secuestra deporte pa nan beneficio propio. A uza fondonan pa biaha, pa cumpra camera di siguridad, a uza credit card di Lotto y tin un salario cu ningun otro miembro di ningun otro hunta di supervision tin. Tur hende por wak e facilidadnan den ki estado nan ta. Tur federacion ta sclama pa mas placa y bo tin e cartel aki cu solamente ta perhudica deporte cada dia nan keda. Aki no ta cuestion di persecusion politico sino cuestion di señala mal maneho y atende cu esakinan. Hues cu su sentencia mas bien ta aproba nan mal maneho, nan scondemento di informacion! Te dia di awe no a ricibi cuentanan anual di lotto for di aña 2014!
Un sin fin di abuso y loke ta mas lamentabel ta e hecho cu deporte a wordo destrui pa un cartel y cu aprobacion di Hues. Loke ta importante awor ta cu tin claridad y Hues a dicidi pa kita tur autoridad di un Minister!
Ta obvio cu nos lo apela e sentencia aki y pronto e cambio di ley lo ta na Parlamento pa bin cu un fundacion nobo cu lo competi contra Fundacion Lotto pa Deporte. Ta keda na cada ken, no obstante si bo ta MEP, POR, RED, AVP of Raiz pa boycott FLPD y demostra cu nos si lo brinda apoyo y sosten na un Lotto cu fondonan ta bay directamente pa deporte!
Cada florin pa FLPD ta un cu NO ta bay pa deporte sino pa un grupito y gran parti di e placa ta bay Canada. Esaki ta realmente loke nos kier!? E pregunta cardinal cu ta keda ta, ki sentido tin pa tin un statuut di un fundacion, bay Notario pasa akte y na momento cu tin un discusion riba un articulo di e statuut, Hues NO ta tene cuenta cu esaki y no ta TOETS loke ta para den statuut!
