Diadomingo marduga 5or un dama naci na Colombia tabata riba caminda cu auto. E ta core auto bebi y sin rijbewijs. El a bin ariba den Boliviastraat cu velocidad basta halto. Ora el a yega Emmastraat e no a para y a hisa benta pasa dal den cura di Wit Gele Kruis. Djey a core crusa otro banda bek y para net prome cu e crusada di Emmastraat cu Koningstraat.
Polis a ser yama mesora. E dama chauffeur a core baha for di e auto y drenta Boliviastraat pa asina busca un chauffeur pa haci comosifuera e tabata stuur.
Eybanda tin suficiente camera di seguridad cu a graba e accidente y e show completo di e dama. Ora Polis a bay atende cu nan e gañamento a start. Polis a haya e pruebanan mesora cu ambos ta gaña. E homber tambe ta naci na Colombia. Polis na nan mesun idioma spaño a splicanan cu ambos ta keda deteni.
A pone ambos na boei y hibanan warda di Polis. E auto a ser hiba cu takelwagen. E cura di WGK a sufri daño leve. Ora mira e video ta mira auto ta bin di Emmastraat y a scapa net algun seconde di un accidente cu por tabata basta pisa mirando e velocidad cu e dama bebi tabata coriendo.
