Diasabra, algo pasa di 6’or y 10 di mainta, patruya di Playa a bay net un tiki p’abo di brandweer na aeropuerto, unda cu un auto lo a perde control y a dal den un baki di mata. Eynan nan a bin topa cu un KIA Sportage color oranje, numera A-44807 pega riba un baki di mata. Eynan e dama chauffeur ta conta cu e tabata bayendo su cas, ora cu dado momento el a pega soño tras di stuur, cu e consecuencia cu el a baha caminda y dal den un baki di mata banda di e cura di aeropuerto. Polis a tuma dato. E dama no a keda herida. Daño material ta considerabel.
