Dia di tata ta diadomingo awo, dia 19 di juni 2022. Den anticipacion di esaki, Kooyman na Primavera a lansa nan specialnan pa e dia tan special aki. Segun Jaritza Correa por check out nan folder di specials online y esakinan ta inclui powertools cu e tatanan tanto ta encanta di e marcanan Milwaukee y Makita.
Banda di esaki, Kooyman lo bay tene un Fun Day diasabra entre 10:00 am pa 2:00 pm caminda cu e tatanan por bin cu nan yiunan y haci algun workshops. E biaha aki nan lo traha un ‘beercrate’.
Pero no solamente esey, ta bay tin tambe un barbershop in store caminda e papinan por haya un look nobo completamente gratis. Tambe lo bay tin algun Harley den e luga caminda e tatanan por saca potret.
Aruba Vision Center tambe lo t’ey presente riba e Fun Day pa check presion di wowo di tur e tatanan y segun Bryan Dirksz, di AVC, pa conscientisa pakico ta importante pa keda check esaki. Esaki tambe ta completamente gratis y tambe ta bay tin varios premio cu e tatanan por gana pa celebra nan dia den gran forma.
Por ultimo, Janneth Legario di Kooyman Cafe by Goddard Calloway Catering (GCG) a conta di e sabroso platonan cu ta bay tin diasabra como tambe diadomingo. Pues despues di haci un bon compras pa papi, por pasa y disfruta di un dushi cuminda of snacks light manera wraps y sandwich y tambe e clasiconan manera pastechi y e kroket cu prijs accesibel. Durante e bishita na Kooyman Cafe a saca ganado di e ATIA Bussiness Mixer cu a keda na Carolina Lopez-Paz di CLP Law Firm & Consultancy. Pas mas informacion por tuma contacto cu Kooyman Cafe na +297 731 8919.