Diabierna mainta personal di Cruz Cora tabata den bario di Bushiri pa combersa cu habitantenan, pa scucha cual ta nan necesidadnan.
E ta un tipo di evaluacion cu ta bay haci den tur e barionan cu Cruz Cora lo ta pasando.
Marla Thiel Dominguez, ta forma parti di e Operations Team di Cruz Cora pa Coronavirus.
E tabata presente den Bushiri y a splica cu nan lo bay tambe na Seroe Patrishi, de Vuyst, Village, Zeewijk (casnan di FCCA). “Loke nos ta haciendo ta un “Meet Assesment” den diferente bario pa haya un idea kico ta e necesidadnan di e hendenan den e temporadanan aki.
Ta pidi e habitantenan participa den un cuestionario cu nan tin pa haya sa cual ta e necesidadnan di mas urgencia. E trabou aki ta tuma luga di dialuna pa diabierna, mientras cu den fin di siman ta ehecuta e programa di entrega cuminda na e adictonan ambulante.