Aruba ta bay haya su di dos parke di molina di biento y a scoge e area di Rincon. Esaki Minister Glenbert Croes, como Minister di Energia, hunto cu e directornan di WEB y Utilities, y director interino di Elmar a trece padilanti den un conferencia di prensa dialuna mainta.
TRANSPARENCIA
Durante e conferencia di prensa, a trece padilanti cu ta spera cu lo tin transparencia den henter e desaroyo aki, pa no pasa mescos cu e desaroyo anterior, unda cu a cera un non-disclosure agreement, cual ta hacie mas dificil pa tin transparencia.
E mandatario encarga cu Energia, Glenbert Croes a bisa cu cu parlamento di Aruba y gobierno di Aruba mester tin tur transparencia, tur informacion nan mester tin na nan disposicion.
El a bisa cu e tin comprension cu e proceso encamina na WEB, en bista cu e desaroyonan cu tabata tuma luga na Corsou tambe. Pero como gobernante, transparencia p’e ta fundamental.
