Corte: Tramitado di permiso mester paga cliente bek!

Tina Maritza Manichan Nasir a gana un caso den Corte contra e tramitado di permiso, Yvonne Martinus Mejia, pero ta canando un caminda di cruz pa haya su placa bek. Como cu e no ta hayando resultado y e kier bay su pais bek, el a dicidi di haci un denuncia publico.
E ta un problema cu a cuminsa for di aña 2017 ora cu el a aserca Yvonne Martinus Mejia di Teamwork NV riba sugerencia di un amigo, ya cu e persona aki lo por yud’e yega na su permiso. Su problema tabata cu e tin un permiso di cas y kier a cambia esaki pa un otro tipo di permiso pa motibo cu e no por haya persona firma p’e. Y aki su problemanan a cuminsa.

Corte: Tramitado di permiso mester paga cliente bek!

Corte: Tramitado di permiso mester paga cliente bek! Click link pa mas https://24ora.tv/2MDWQn1

Posted by 24ora on Wednesday, June 12, 2019

Martinus a tuma su caso, sabiendo cu un persona cu permiso di cas practicamente no por cambia di permiso prome cu e di tres permiso (cual awor a bira 5). Asina mes el a tuma su caso, y a logra haya un “ontheffing” di e evaluacion di mercado laboral, pero te ey el a yega tambe. Ningun otro documento di Manichan Nasir no a yega DIMAS. Despues di a entrega casi 3100 florin na Martinus, e mes a informa diferente biaha na DIMAS pa mira den ki fase su peticion ta, pero te cu mei, 2017,e contesta semper tabata cu no tin nada di dje cu a drenta.
Na juni 2017 el a dicidi di informa Martinus cu e kier su placa bek, pero e contesta cu el a haya ta cu solamente 1500 florin e ta dispuesto pa debolbe. Manichan a cuminsa un procedura legal cu a culmina dia 8 di november 2018, cu un veredicto na su fabor: Martinus mester pag’e 3015 florin mas interes, cu a cuminsa conta for di juni 2017 y ta core te cu dia e caba di paga e suma en cuestion (mas e incassokosten).
Martinus Mejia a bay den obheccion y a pidi pa destrui e decision aki. El a splica cu el a haci trabounan di preparacion pa e permiso pa cual e ta cobra 1515 florin y e ta acepta cu e mester debolbe Manichand pero solamente 1500 florin. E motibo cu e no por a sigui cu e procedura di entrega su documentonan, despues di a logra un declaracion positivo, ta cu e documentonan di Manichand a wordo confisca den e investigacion contra ex Minister di Labor. Pero pa loke el a haci te e momento ey, e mester cobre 1515 florin. E denunciante ta bisa Martinus su trabou tabata practicamente nulo, pasobra su documentonan mes no a keda entrega. Y esey ta e pensamento di Corte tambe.
Corte a haya cu Martinus no a cumpli cu Manichand den e palabracion haci y e no a detaya ki otro trabounan el a haci. Pues e ordo di pago di dia 8 di november 2017 a keda ratifica. E ultimo decision aki a bini dia 22 augustus 2018. Pero for di e dia ey te cu awe no a logra haya Martinus pa paga e suma di mas cu 3 mil florin.  Segun e denunciante, tin mas stranhero cu a pasa den e mesun situacion cun’e.E problema pa Manichand ta cu Martinus ta bisa di no tin placa pa paga, pero si ta mir’e ta baila den carnaval, ta come den restaurant, etc. “Di con no tin pa debolbe loke ta di mi, manera Corte a bisa,” Manichand a finalisa bisando.

Comments

comments