Presidente di Ocan a bishita Minister Besaril

Presidente di Fundacion Ocan, John Leerdam, a bishita Minister Plenipotenciario Guillfred Besaril na Hulanda. Durante e bishita a delibera riba formanan pa intensiva e relacion entre Ocan y Arubahuis, como tambe cu Aruba. Terenonan cu, segun John Leerdam, lo por enfoca riba dje, ta arte y cultura. Durante e combersacion a palabra cu lo busca formulanan pa desaroya proyectonan hunto.

Minister Besaril a bisa di ta contento cu e trabao di Ocan pa cu e comunidad Caribense Hulandes na Hulanda y sigur ta bon pa mantene contacto riba un base regular.

Como recuerdo di e bishita John Leerdam a haci entrega di un ehemplar di e buki “10 jaar Onverwerkt Verleden” na Minister Besaril.

Comments

comments