Corte a pone den balans tur dato treci dilanti durante tratamento di un caso civil di Post Aruba N.V. contra Sindicato di Empleadonan Publico y Priva di Aruba (SEPPA). Na final a dicidi di schors un formula cu ta duna e trahadonan di e empresa aki un aumento automatico tur aña.
E aumento aki a tuma luga di e forma aki durante e ultimo 10 añanan pa motibo cu desde 2013 no a yega na un Contracto Colectivo nobo mas. Y tin un provision cu ta bisa cu si no yega na un acuerdo, e aumento ta sigui según e ultimo acuerdo.
A pesar cu post a anula e CAO toch a sigui pone den practica e aumento. Post awo a dicidi di pidi Corte pa pospone articulo 25 cu ta haci cu e aumento ta tuma luga di forma automatico tur aña den luna di januari.
E cifranan di Post no ta nada positivo y e aumento aki ta un peso pa nan, a trece dilanti durante tratamento di e caso.
Corte ta bisa cu e no ta mira motibonan pisa pa bay di acuerdo cu e peticion di SEPPA pa rechasa peticion di Post.
E decision na final ta cu a pospone e articulo 25 di aumento automatico desde prome di januari, 2022, te ora cu tin un decision den e caso den Hof of den bodemprocedure cu ta bisa lo contrario na e decision aki.
Pa relato amplio, lesa TREMPAN.
