Diamars atardi, pasa di 3’or, a cuminsa cu un control di polis unda cu unidadnan di Santa Cruz tabata controla vehiculonan di motor den trafico.
Esaki tabata na altura di Rooi Barcadera. Trafico direccion p’ariba, na momento cu a pasa Ser’i Tijshi, a topa cu dos patruya para cu zwaailicht y mas of menos shete polis para riba caminda.
Ta polisnan di Santa Cruz cu tabata bezig cu un control. Esaki tambe ta parti di trabao di miembronan di Cuerpo Policial, a controla vehiculonan pa documento.
Den e caso aki tabata controla entre otro, si e chauffeur tabata tin seatbelt bisti. Tabata controla documentonan manera belasting di e auto si e ta paga (number di auto), seguro y keuringskaart.
Loke a restalta ta cu hopi auto no ta gekeurd. Hopi multa a cay pa motibo di falta di keuringskaart. Autonan cu tabata pasa e control, kisas no tabata tin nan number di auto of seguro paga, nan no tabata kita e autonan. E persona ta haya su boet y ta sigui cu su auto.
Dicon
No tin caminda pa pone auto. Na ningun warda di polis, tin caminda pa warda auto. Hopi auto por a wordo kita, pero ningun a wordo kita. Cada polis tabata tin un meta cu mester a cera, cual ta 15 multa cada uno. Shete biaha 15 multa, ta mas of menos 105 multa. Esey tabata e total di multa cu nan lo a parti. Despues di dos ora y mey di control, a bay paden, pa sosega un rato y despues sigui cu control na otro areanan di e districto cu nan tin cu controla.
