Diabierna atardi e team motorisa di polis a tene diferente control den trafico rond di nos isla. Entre nan, riba Watty Vos Boulevard caminda a controla varios vehiculo.
E control tabatin como meta pa controla velocidad halto den trafico. Na final por considera e control uno fructifero. A reparti varios multa pa surpasa e limite permiti, cual ta 80 km.
Mayoria di e chauffeurnan a surpasa 110 km. No tabata necesario confisca ningun vehiculo of detene ningun chauffeur. Por spera mas di tipo di control nan asina durante oranan di anochi.
