Recientemente Aruba Little League a host e congreso Latino Americano di baseball cu a conta cu varios pais den nos region y continente.
Cada aña riba invitacion di e representante mas halto di baseball Little League Latinamericano, Sr. Carlos Pagan, Aruba Little League den reprsentacion di DA Sr. Rhudy Donata ta atende e congreso anual di Little League Latino Americano y del Caribe. E anja aki e congreso di Little League Latino Americano a tuma lugar na Aruba mes. Ribe e prome dia varios dignitario a haci acto di presencia, nos por a mira Minister di Deporte, Sr. Dangui Oduber, director regional sr. Carlos Pagan y patrosinadornan di e campeonato di Aruba Little League.
Durante di e congreso ta evalua e desaroyo di baseball Little League den e area di Latino America y Caribe. Mester bisa cu mayoria paisnan miembro ta atende e congreso unda conhuntamente ta trece cambionan den e reglanan esaki na bienestar di e baseball infantil y hubenil den nos continente y region. Entre e paisnan presente tabata tey Puerto Rico, Argentina, Mexico, Panama, Corsow y Aruba.
Stichting Sportsubsidie Aruba ta contento di por aporta y brinda e ayudo na e organisacion di Aruba Little League cu a organisa e congreso Latino Americano di baseball na Aruba.
Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.
Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.
