E team di Estrella Hoofdklas a haya un sorpresa hopi agradabel.
Coach di hoofdklas, Kenrick Lopez, a expresa cu nan ta masha agradecido, pasobra nan di Estrella ta trahando duro despues di hopi aña atrobe pa pone e organisacion riba pia bek, hayando confiansa di e sponsornan bek.
”No ta tur ora cos ta bay manera cu bo kier. Pero den e caso aki ta gradici e sponsor Gillette di Compra y e resto di e sponsornan cu t’ey pa nan aprecio pa e club di futbol cu ta SV Estrella.”
Campeonato nobo
Preparacionnan ta andando. Mirando cu Lopez tabata ex hungado di Estrella pa hopi aña y a coy campeon tempo di nan tempo, a tuma e decision di tuma Estrella over y hib’e bek na su gloria di antes. Nan ta un famia cu tin e club di futbol aki na pecho si mira cu su tata y su ruman a yega di tabata na timon di e organisacion deportivo.
Awo a cera cabes cu ex hungadonan, pa por bin bek y pa forma e ekipo. Tur cos ta bayendo bon te aworaki y tin hopi gana pa sigui lucha pa yega na e metanan cu nan a pone. Nan prome meta den e campeonato aki ta pa busca e clasificacion. “Ora cu drenta, e ora ta bira un ballgame nobo pa por mira con ta bay yega pa e titulo di campeon.”
Compra
Hubert Dirks, director di Compra, a menciona di ta hopi contento di por traha y duna nan parti na Club Estrella, cu ta un club masha grandi.
Un club cu nan conoce caba. Dirks ta hopi asombra y gradicido di mira tanto boluntario cu ta train, coach e muchanan. Si mira e muchanan con nan ta bezig, lo minimo cu por haci ta contribui cu patrocinato y cu mucho gusto nan ta haci’e.
Gerencia a haci e promesa na e organisacion deportivo cu si nan bira campeon den division di honor, Compra lo double up e suma.
Tur hungado y coach di e divicion di honor di Team Estrella-Gillette a ricibi e Gillette Fusion ProShield cu lubricacion prome y despues di e 5 blades y flexball technology cu ta duna e miho feita! Tambe nan shaving cream y Gillette Sport Triumph Deodorante Antiperspirante cu ta contene mas di 10,000 moleculanan cu ta combati mal olor y yuda e atletanan ta seco bou di tur sorto di pression.Compra kier pa Estrella uza e miho productonan. Ta pa e motibo ey a entrega e productonan di Gillette. E intencion tambe ta pa pueblo di Aruba cumpra e productonan cu ta yuda nos comunidad. Esey ta loke cu Compra kier a demostra tambe.
