Eugenie Hooi ta representante di benta pa e compania Novo Nordisk. Nan ta staciona na Corsou pero ta representa e area aki. Durante entrevista el a splica un tiki riba e prikactie y nan sosten na Dokters Asistent Aruba pa dia 11 di November.
Nan a scoge pa bin Aruba, mirando cu aki tin basta pashent diabetico y pashentnan tambe cu posiblemente por ta candidato pa ta un diabetico. Eigenlijk a uni na e idea cu a nace for di e doktersasistenten, pa por concientisa e pashentnan, traha riba e parti di prevencion pa asina logra mas pa e pashentnan aki, cu nan por yega na un meta, cual ta ser un diabetico, pero bao di control.
Con facil ta pa ta un diabetico
Tur cos tin mag, pero e mester ta na midi. Segun Hooi, loke por bisa ta cu danki na avance di tecnologia actualmente, tin diferente tipo di remedi cu ta disponibel riba mercado pa tratamento di diabetes. Novo Nordisk a bin ta haci esaki pa mas di 90 aña, concientisando e pashentnan, ofreciendo e miho remedinan riba mercado pa tratamento di diabetes y ta conta cu esey ta un di e motibonan tambe valido di cual lo por beneficia e pashent y yuda e pashent pa por toch no stop di haci loke ta haci, pero haci tur loke ta haci, na midi, vooral e parti di dieet, ta hopi importante. Sa cu mesun cos na Corsou, na Aruba pashentnan tambe gusta come y ta bon pa concientisa nan, pero por haci’e, pero na midi y cu e dieta y ehercicio ta hopi importante.
E chens di problema
E prome cosnan cu ta recomenda ta, e parti di haci dieta y ehercisio. Despues ta start cu e parti di medicamento. Na momento cu ta uza e medicamento manera mester ta, tin menos chens e ora pa haya mas complicacion cu por presenta a largo plazo. E ora e recomendacion ta bay na e pashentnan pa haci uzo di nan remedinan manera mester ta y no keda sin haci parti di dieta y ehercisio pa por tin miho control di nan diabetes.
Importancia di control
Control ta hopi impotante. Mas saludabel bo biba, bo ta alarga e parti pa bo por bira diabetico, vooral si bo tin diabetes den famia, por ta un tio, un tata of un mama cu tin diabetes, naturalmente bo chens ta aumenta den e caso ey pa ta diabetico abo tambe. E recomendacion e ora ta pa come cumindanan sano, evita uza cosnan sucu of vet, pasobra despues di tempo por buta cu e pashent lo por bira un pashent diabetico.
