Colegio San Augustin a tene dia di competencia di volleyball. Aruba Volleyball Associations duna cuater les na e alumnonan di volleyball y asina por a tene un competencia.
Patrick Lejuez, docente di educacion fisico, a splica cu e dia a bay bon y e alumnonan tabata sumamente activo. Prome cu e dia aki a tuma luga representante di Aruba Volleyball Associations (AVA) a acerca e director di scol, p’asina por a duna cuater les. A percura pa tene e reunion na final, unda cu tur alumno di scol a hunga contra otro.
E competencia aki tabata organisa pa AVA. E asociacion mes a percura p’e trofeo, medaya, chips, ice tea p’e muchanan, asina Lejuez a expresa. E tabata un dia un dia agradabel danki n’e cooperacion di scol y asociacion di volleyball. A participa un total di ocho klas, cual tabata dos eerste, dos tweede, dos derde y dos vierde.
E dia tabata importante pasobra e muchanan a chens pa hunga contra otro, esta eerste por a hunga contra derde y asina. Hasta ta stimula nan, esun cu nunca a haya volleyball, nan por acerca un directiva pa hunga.
Pa un cobertura mas amplio lesa e edicion di TREMPAN di mañan.
