Durante dia ayera nos seguridad a haya notificacion electronico for di e ATM na Boulevard cu un “skimming device” a wordo detecta na e machine.
Den menos di 30 seconde e machine automaticamente ta bai den lock-down y no por haya acceso mas na esaki pa haci ningun tipo di transcaccion.
Den menos di 3 minuut patruya di seguridad di CMB tabata presente y a kita e “skimming device” for di e machine.
Es mas den e video cu ta circulando riba Internet, ta personal di seguridad a filma esaki pa uso interno y pa comparti cu otro banconan y autoridad.
Absolutamente ningun cliente a wordo afecta pa e intento di “skimming” aki.
Mientrastanto, e ATM na Boulevard lo keda riba lock-down te ora cu lanta e machine bek den transcurso di dia.
Un bes mas nos kier sigura nos clientenan cu tur ATM di CMB ta ekipa cu sistemanan automatisa di “anti-skimming” y cu nos expertonan di seguridad ta patruya y vigila tur nos localidadnan constantemente.