Un ciudadano a acerca 24ora.com pa motibo cu e ta sinti cu un abuso ta wordo cometi cun’e door di Arugus. E vehiculo di e compania aki a causa daño na cura di su cas na San Fuego y nan no kier cumpli cun’e awo.
Lucas Lopez a splica cu e siman aki na momento cu e vehiculo di Arugas a bin entrega gas, durante cu nan tabata reverse, a dal y kibra e cura di su cas. “E cura tabata bon, pero e auto a bek y a dal’e. Nan kiermen cu e pilar ta putri y no ta paga. Pero e pilar tabata bon para riba su pia. Nan a bisam’i cu nan ta pega 4 blokki y e resto ta pa mi cuenta.”
E cura a bay di banda y Lopez kier pa nan pone e cura manera cu e tabata antes, straight para, pa e porta por wanta, sino e ta cay. El a splica cu e cura mester keda bon cera, pasobra den bisindario tin 2 cacho cu ta parce burico y si nan drenta su cura, e cachonan di dje lo wordo agredi sigur y lo bay tin problema.
E impacto a causa daño na 4 blokki pero e efecto ta cu e cura a bay di banda.
