Recientemente e ciudadano Marietje Curiel, a pasa den un situacion cu Biblioteca Nacional Aruba cu a lag’e cu un sabor amargo. E sucedido ta tras di lomba pero e ta insisti di haya un splicacion pakico di e trato cu el a ricibi.
Hunto cu un grupo di ciudadano, e ta dedica na haci evento pa mucha. Den cuadro di e celebracion di Dia Internacional di Derecho di Mucha, e kier expone materialnan cu ta conscientisa ciudadanonan riba e derecho cu tur mucha tin.
Den cuadro di e celebracion aki a tuma nota cu na BNA San Nicolas tin un cashi bashi y a pidi pa haci uzo di esaki, exponiendo material di actividad relaciona cu mucha. Despues di a haya aprobacion, diripente na nan yegada a resulta cu esaki no ta posibel mas.
Loke Curiel ta lamenta ta cu despues di esey a trata di haya contacto cu director di BNA pa haya un splicacion, pero sin resultado. Hasta el a dicidi di bay Departamento di Recurso Humano pa expresa su mal contento.
E ta desea pa director di BNA tuma contacto cu ne, pa haya splicacion di kico a pasa. Sino nan lo bay Bestuurskantoor.
