Candela di mondi ta continua riba nos isla y un biaha mas por a mira esey. Diadomingo atardi, den careda di 5:30 pm, polis como brandweer a presente pariba di e veld di Aruba Juniors debi na un candela di mondi.
Na yegada di e bomberonan, di biaha nan a bay den accion pa paga e candela aki. E candela tabata expande lihe, pero e bomberonan a sa di domina esaki. Polis a percura pa ningun hende yega cerca, mientras cu e bomberonan tabata combati e candela aki.
Despues di algun minuut e bomberonan a sa di paga completamente e candela aki. asina ey nan a evita cu e candela sigui expand’e y bira un peliger p’e casnan den vecindario.
