Awe den oranan di mainta finalmente representante di Ministerio Publico a hiba palabra unda cu fiscal a exigi castigo pa un caso di contrabanda di hende.
E tres personanan envolvi den e caso aki ta: Robert Laveis, Reangelo Stamper, y Ignacio Sarmiento. Nan tur tres tin e mesun acusacion. Esta contrabanda di hende cu morto como consecuencia, y/of complice den e delito aki; Y e di dos acusacion ta contrabanda di hende cu a tuma luga den luna di november, 2022.
Tur tres ta nenga y ta papia di un fabor cu a bay haci un señora, kende ta amiga di Laveist, dia 22 di maart, 2023. Pero e otro caso nan no tin nada di haber, segun declaracion di e tres personanan aki.
Fiscal a bisa cu no tin duda, pasobra tin declaracion di e capitan di Venezuela tambe. Esta esun cu a transporta Johanna Salazar riba lama pa entreg’e na Stamper cu mester a trece Aruba. Sinembargo Aruba nunca el a yega.
Segun Fiscal a tira Johanna na 1.3 km for di Aruba y ta imposibel cu el a yega Aruba.
A aplica e dicho “Samen uit, samen thuis”, y a pidi cinco aña pa cada un. Dia 13 di december pa 8.15 lo tin sentencia.
