Recientemente Hammer Sharks manera tur aña ta reuni tur su hungadornan, coachnan Y mayornan pa hunto celebra nan Christmas Dinner. Asina Clausura e aña 2018 manera un famia Sharks den Hilton Gran Ballroom.
Un celebracion cu a bay den grandi na unda President di Organisation Sr Gregory Milano a hiba palabra. A gradici HS su coaching staff cu ta dedica henter aña na nos muchanan. Mayornan pa nan confianza y coperacion y sin duda na e comision Shark’s Moms cu henter aña ta organisa fundraising pa organisa actividadnan pa e muchanan .
Den nomber di full e organizacion kier a duna un danki di curazon na tur Sponsernan S&L General Contractor N.V., Burger King, MLS, Total Finance, Tires4less cu nan aporte den nos organizacion y na Hilton, Old Cunucu Restaurant, Papiamento Restuarant, Manrique Capriles, Dj Version y Eric Boeldak di Bon Photo pa por a hasi e anochi exitoso.
Mayornan cu ta desea nan yiu forma parti di un team di Baseball por keda pendiente. Tur training ta start bek Januari 2019 y lo cuminza cu teamnan di edadnan chikito esta 5/6 y 7/8. Den nomber di Famia completo di HammerSharks kier a desea Aruba completo Un Bon Pasco y Un Feliz Comienzo di aña 2019
