Diabierna atardi polis ta cuminsa tempran cu detencion cu persona bou influencia di alcohol. Pa mas o menos 5:20 PM ta pidi presencia di polis na luz di trafico, riba caminda principal di Palm Beach.
Chauffeur masculino biniendo di noord no a midi su velocidad y desafortunadamente a dal tras di un auto ( Van color blanco ) cu na su turno tambe a bay dal tras di un otro auto ( Kia Sportage shinishi )
Na momento cu polis a presenta na sitio a pidi tambe presencia di ambulance pa atende cu e chauffeurnan di e autonan den e cadena parti mas dilanti cu tabata keha di dolor.
Despues cu paramediconan a atende cu nan, por a sigui cu e parti di seguro y no tabata tin cu bay hospital.
Chauffeur di e toyota yaris, cu ta esun cu a ocaciona e accidente a keda deteni y transporta pa warda, sospecha di a maneha bou influencia di alcohol. Tambe tin cu menciona cu su vehiculo a resulta esun mas afecta y cu basta daño material compara cu e otro nan.
Weekend nos dilanti un biaha mas y un apelacion ta bay na tur manehador pa tene nan mes na regla di trafico y pa no bebe alcohol y subi tras di stuur. Corda semper tur hende tin famia ta warda na cas.
