Chauffeur sin rijbewijs ta causa accidente na Tamarijn

1742

Diaranson anochi, pa mas of menos 7:30pm a tuma luga un accidente na e T-weg di Tamarijn. Ta trata aki di un auto marca Suzuki, cu a bay pa lora na su banda drechi y no a baha su velocidad, cu consecuencia cu el a bay dal den un KIA Sportage, cu tabata cla pa subi caminda.

Chauffeur di e Suzuki a pidi pa e chauffeur di e KIA pa bin su tras. Despues di un rato e Suzuki a para na altura di un cas den vecindario. A bin resulta cu e chauffeur di e Suzuki tabata bao di influencia di un ke otro substancia. Fuera di esey e no tabata tin rijbewijs.

Pa corona e obra, e no tabata doño di e Suzuki tampoco. Despues di un rato e doño di e Suzuki a presenta pa asina trece claridad na e asunto. Polis tabata tey presente na e sitio.