Merca lo admiti solamente 15 mil refugiado den 2021

331

E gobierno di presidente Donald Trump a reduci e cantidad di refugiadonan cu e lo permiti establece na Merca den e aña fiscal recien inicia, na un cifra di 15 mil persona, un paso historico pa e programa di acogida di stranhero pa rasonnan politico of di proteccion di derechonan humano.

Trump a finalisa su plan cu un memorandum manda durante marduga ya a bisa cu e top di gastonan fiscal di 2021, cu a cuminsa e luna aki, ta inclui 6 mil asignacion no uza di aña pasa “cu por a aplica di no tabata pa e pandemia di coronavirus.”

E presidente republicano, cu ta busca pa su reeleccion dia 3 di november, a adopta un posicion severo respecto migracion -tanto legal como ilegal- y a impone condicionnan mas estricto pa Merca admiti refugiadonan tur aña desde cu el a asumi e poder na 2017.

De su declaracion, Trump a bisa cu cualkier refugiado nobo e aña aki mester ta asigna pa e Departamento di Estado den zonanan di e pais cu ainda ta “habri”  pa acoge nan.

“E refugiadonan recien admiti mester ta asigna, semper cu ta posibel, den estado y localidadnan cu claramente a expresa nan disposicion na ricibi” y “reubica nan den comunidadnan cu nan desea y ta ekipa pa apoya nan integracion exitoso den e sociedad y e forsa laboral Mericano,” Trump a bisa.

Su detractornan ta bisa cu Trump a bandona e rol di Merca como un nacion protector di personanan cu ta sufri di persecucion y cu e reduccion di admisionnan di refugiado ta mina e alineamento di politica exterior.

E rival di Trump den e eleccionnan, e ex vicepresidente democrata Joe Biden, a compromete pa aumenta e cuotanan di admision di refugiado na 125 mil pa aña si e gana, aunke hopi grupo activista ta bisa cu e programa por tarda varios aña pa recupera.

Decenas di miles di refugiado tin pendiente nan solicitud den e sistema di Merca, hasta apesar cu e derecho cnsuranan a aumenta durante e Gobierno di Trump y cu e pandemia di coronavirus a recorta e yegadanan den e aña fiscal di 2020. E cantidad di aña pasa ta na 18 mil admision.

Onderschrift: Presidente di Merca, Donald Trump. EFE/EPA/KAMIL KRZACZYNSKI/Archivo