Algo pasa di 8:00 pm a sosode un accidente na Cura Cabay. Esaki tabata entre un brommer BMW y dos auto, un Subaru preto y Kia Rio cora.
E Subaru a subi caminda pa bay abou y no a ripara cu e momento ey e brommer tabata biniendo cu velocidad. Consecuentemente esaki a dal frontal. E motociclista a perde control y dal contra e Kia Rio. Polis a presenta n’e sitio pa tuma declaracion di tur partido.
Ambulance tambe a presenta n’e sitio pa brinda asistencia medico n’e chauffeur dje brommer. Despues di a stabilisa e motociclista masculino, a transport’e ImSan. Daño material riba e Kia Rio tabata limita, mientras cu e brommer y Subaru a sufri mas daño.
