Awe tardi pa mas of menos 5:00pm a topa un auto sospechoso cu 2 persona aden y no sa kico nan tabata haci den auto, den mondi cerca di un cas na Piedra Plat. Polis a baha pa un control y ora a puntra e chauffeur pa su rijbewijs, el a cuminsa argumenta cu e no ta coriendo auto. Polis a par’e mesora, bisand’e cu manera e tabatin e yabi den contact caba y auto den posicion pa move bay y alabes nan actuacion nervioso, ta suficiente pa puntra pa su rijbewijs.
Asina mes a trata di baila e polisnan, pero aki no tin wega y e defensornan di ley a pidi pa mira rijbewijs pa caba. A resulta cu e persona sinta tras di stuur no por a mustra un rijbewijs. A pidie pa un otro medio di identificacion pa tuma nota di su datonan. Despues di a keda cla, a kita e yabi for di nan y a laga nan sinta den auto cu e mensahe cu un hende cu si tin rijbewijs por pasa busca e yabi na warda’i polis.
E patruya di polis a sigui su caminda, mientras e dos personanan a keda sinta den auto, pero sin yabi y como tal…sin por stuur.
