Diasabra atardi alrededor di 5:30pm a sosode un accidente dilanti “The New 88 Food Mart” na Santa Cruz. Aki tabata trata di un auto Kia color cora cu a subi caminda desde e parkinglot di “The New 88 Food Mart” sin duna preferencia na e trafico cu tabata biniendo for di su man drechi.
Un Nissan Leaf a haya e Kia ta lora su dilanti di sorpresa y no por a haci nada mas y dal den banda drechi dilanti di e Kia. Daño material na ambos auto tabata basta.
Ora Polis di trafico a yega na e sitio pa bay atende, a constata cu e chauffeur probablemente ta bou di influencia di alcohol y a bai over na detene e chauffeur. A solicita pa e transportwagen di Polis pa asina hiba e detenido pa warda di Polis na Macuarima.
