Diasabra den careda di 12:40am, polis a presenta na altura di Rotonde di Ponton. Aki nan a bin topa cu un chauffeur di un Hyundai Tucson nr A-20827 cual aparentemente lo mester a subi e rotonde di Ponton na Watyy Vos Boulevard.
A resulta cu e chauffeur tabata basta burachi cu el a pega soño tra’i stuur. A deten’e y transport’e den e transporte policial. E chauffeur a causa daño na e auto como tambe na e rotonde.
E persona mes no a sali herida, pero mester a keda deteni debi cu e tabata bao influencia di alcohol. E chauffeur no a regula su velocidad, lubida rib’e brik y subi e rotonde aki. Algo cu ta pasando hopi mas biaha ultimo tempo riba e careteranan aki unda cu varios hende ta core masha duro mes y no por controla nan vehiculo manera cu nan ta yega cerca e rotonde pa por para na tempo.
Y den e caso aki cual ta haci e mas lamentabel ta cu e persona tabata bao di influencia di alcohol pisa.
