Diabierna anochi nos a haya notificacion riba un candela di mondi cu lo mester ta menasando un cas den bario di Nuñe. Nos a keda basta rato n’e sitio y tuma nota con e candela tabata expande. Ultimo dianan tabata tin varios caso di candela rond di nos isla, algun cu a pega riba nan mes y otronan causa pa hende mes.
E situacion aki na Nuñe a spanta e bisiñanan den e area cu mesora a cuminsa mobilisa pa purba na controla e candela cu tabata den un mondi patras di un cas. Tin basta yerba seco den e area cual a haci poco mas preocupante na momento di combati e candela aki.
Nos no tin informacion riba kico por tabata e causa di e candela di mondi aki, algun persona a comenta riba nos Live cu ta mustra cu un hende mester por a cende esaki.
Autoridadnan a presenta n’e sitio y tur cos a bay bao control unda por a logra domina e candela aki despues prome cu e por a sigui bira mas grandi.
