Pa mas o menos 5:05am a sisode un accidente cu un auto marca Suzuki, modelo Swift, color preto, numera A-21455, cu tabata biniendo for di Calabas direccion Parke Curason na Jaburibari, na Paradera. Parce cu e vehiculo tabata biniendo cu velocidad hopi halto y na dado momento a perde control, baha caminda na su man robes, na altura di Charles Grill, dal den un bari di sushi, perde control y bolter.
E chauffeur di e auto Suzuki Swift tabata bou influencia di alcohol y casi no por a para riba su pianan. Consecuentemente Polis a detene na e sitio mes. A transport’e pa Warda di Polis na Noord pa por present’e dilanti un Fiscal Auxiliar pa dicidi riba su detencion.
Daño material na e auto ta considerabel, pero daño na e propiedad di Charles Grill ta minimo. E chauffeur di e auto no a resulta herida.
