Awe Polis di Orlando, Florida, a confirma cu un Arubiano ta deteni y encarcela den prizon na Orlando. Ta trata di Johannes C. “Papi” Wiersma di 47 aña di edad. Ta acus’e di a bati, strangula y di violencia domestico di su mesun yiu homber. Parce el a hay’e den un discusion cayente cu su yiu, cu a bay for di man. Polis a cay aden y a detene. E yiunan y pareha di Papi Wiersma awo ta na Orlando keto bay, buscando forma con pa atende e procedimiento penal Mericano.
Di acuerdo cu informacion publico, e caso di Papi Wiersma a haya e number 19036760. A detene, hib’e Warda di Polis pa despues traslad’e pa Orange County Jail pendiente e investigacion cu ta andando den su contra. Kico a pasa Papi cu su yiu homber, no ta conoci. Ta teme cu el a uza forsa bruto durante e maltrato, cu awor tin’e den problema serio cu husticia Mericano.
No ta conoci si entretanto a haya contacto cu Consul General di Reino Hulandes na Miami, pa acesora famia den e momentonan aki.
