Diahuebs marduga, alrededor di 1:15 am, a sosode un accidente riba e camind’i Ponton pa Tanki Flip. Esaki a sosode n’e t-kruising na altura di Arqui’s Grill. Aki ta caminda cu un auto marca Kia tabata riba su caminda di preferencia bayendo seit ora cu di un forma sorpresa un Toyota Yaris a subi caminda y ocasiona e accidente.
No tabatin persona cu a resulta herida pero daño material tabata considerabel. E chauffeur di e Yaris na prome instante a purba huy for di e sitio, pero no a logra. Na yegada di polis a constata cu posiblemente e chauffeur di e Yaris lo tabata intoxica.
Suficiente motibo pa haci un test di alcohol cu ne. E chauffeur en bes di supla tabata chupa n’e pipa. A deten’e bou sospecho di stuur auto bou influencia di alcohol. Den un transporte policial a hib’e pa ward’i polis caminda a present’e dilanti un subfiscal.
