Diahuebs anochi a sosode un accidente entre dos auto. Net riba e caminda di Juancho Yrausquin Blvd e accidente a sosode. Un auto sedan a dal tres di un pickup. Net riba e berm pa kibra velocidad dilanti Smokey Joe, e auto a pega tras di e pickup. E pickup tabata maneha pa un dama pero casi no a haya masha sla.
E auto di e homber bebi si a haya poco sla na e hood entre otro. Polis cu tabata cana eybanda pa controla e area a atende mesora pasobra tin basta trafico. A dirigi e trafico pa duna e autonan chens pa pasa di ambos banda. A pidi departamento di trafico y tambe dogcatcher pa transporta e chauffeur deteni.
A bay cune warda di Shaba pendiente e investigacion. E ta traha na un restaurant den e zona turistico. E tabata bebiendo un bebida alcoholico color blauw. Ta wordo bisa cu ta Hipnotic. Ainda den auto tabata tin cups cu e drinks yen. Por a mira cu e tabata bebi y awor a haya su mes den problema cu husticia despues di causa e accidente chikito.
