Algun minuut prome cu 12’or di marduga, chauffeur di un auto marca Hyundai modelo Accent bayendo direccion Pos Chikito, di un manera of otro, a baha caminda y accidenta den e lorada di Franse Pas.
Polis a bay di biaha pa atende cu e accidente aki, cual nan no ta descarta cu velocidad por ta hunga un rol grandi. Na e sitio por a nota tambe cu den e lorada tabatin tera, unda cu autonan por slip y accidenta. Danki Dios no tabatin herido. A tuma e datonan di e chauffeur, kende mes a busca manera pa saca su auto for di e situacion cu e tabata aden. E auto a haya basta daño.
