Unidad di Polisnan di frontera cu ta traha na waf y Aeropuerto a activa ayeranochi pa calma un grupo di pasaheronan rabia di United Airlines. E vuelo mester a sali di atardi caba pa Newark pero no a sali. Anochi lat a informa e 40 pasaheronan cu e vuelo lo sali diadomingo 10:00am y cu nan mester keda drumi den Aeropuerto mes. E noticia no a cay den bon tera, pa cual Polis mester a yuda siguridad di Aruba Airport Authority pa tene e situacion bou control. United Airlines ta efectua mas o menos 33 vuelo semanal pa Aruba.
