Polis a bay cu urgencia diabierna anochi alrededor di 8:00 pm den Kamerlingh Onnesstraat p’un accidente pisa. Ta trata di un auto marca Nissan modelo Skyline color shinishi, numera A-65301.
Tin tur indicacion cu e auto tabata bin for di pabou y pa un motibo of otro a perde control y bay dal den un palo di luz. E chauffeur mes a bandona e sitio prome cu polis a presenta. Debi na e impacto, hasta airbag a sali.
Daño material tabata basta, na final a confisca e auto pendiente mas investigacion. Pronto e doño di e auto por spera un bishita di polis na su cas.