Glenda Gumbs, di apenas 62 aña di edad, un trahado ehemplar y masha stima na SETAR NV awe nochi a bira malo na su cas na Pos Chikito y lamentablemente a fayece. Pa 9:40 pm, Dokter Texier a constata morto natural y a entrega e restonan mortal na famia.
No ta mucho tempo cu el a acepta un pakete di SETAR pa baha cu pensioen. E ta bibando su so, pasobra su yiu homber ta studiando na Hulanda. Bisiñanan a conta cu el a haya Covid-19 caba y ta diadomingo ultimo cu el a tuma vacuna. No sa precies kico a sosode cu ne cu diripiente el a fayece awe nochi.
Un otro miembro di famia a sigura cu a papia tres dia pasa cu ne y no a duna ningun señal di ta sufri di cualkier sorto di kebrante di salud. Nan sa si cu e ta diabetico pero cu e ta cuida su curpa, manteniendo un dieet balansa y bebiendo e remedinan necesario.
Nos ta expresa palabra di condolencia na famia di e fayecida. Hopi forsa den e momentonan dificil y di tristesa aki. Cu Glenda Gumbs sosega na paz.
