Polis a bay diaranson mainta cu urgencia na un adres na Pos Abao unda cu un auto a bolter. Apesar di hopi daño, e chauffeur a sali ileso di e accidente.
E accidente aki a sosode rond di 9.30 di mainta. Na e sitio por a compronde cu e cabayero hoben (di 26 aña), mester tabata bayendo cu un velocidad basta halto. Dado momento el a yega na e birada skerpi na Pos Abou y a perde control riba su auto. No sa si e ta conoci cu e caminda of no. Hecho ta cu el a tuma e birada na e mesun velocidad cu e tabata biniendo y a perde control. El a dal den cadushi y piedranan eybanda pa despues bolter dos biaha.
Por a constata cu e daño material riba e auto tabata basta grandi. E chauffeur tabatin hopi suerte y a sali ileso.
Na e sitio tabata presente tanto Polis como paramediconan. Pero no tabata necesario transporte pa hospital.
