Un caso hopi lamentabel a sosode diaranson mainta na un cas den Nijhoffstraat, cu ta ilustra e problema social serio cu tin na Aruba a causa di adiccion. Un yiu ta menasa su famia pasobra e tabatin mester di 10 florin, probablemente pa satisface su vicio y e mama tambe tabatin mester di e placa pa cumpra cos di cas.
E hecho aki a sosode rond di 9.30 di mainta na e cas den Nijhoffstraat. Un mama a coy dies florin di su yiu y esaki a pone cu mucha homber a perde cabes. A start un discusion pisa y dado momento e yiu a pasa man cu un cuchiu y a cuminsa menasa henter e famia.
Polis a yega na e sitio na tempo pa kita e arma blanco for di e mucha homber y tambe a hay’e cu droga. E vehiculo di transporte a hib’e warda di polis.
