Riba e caminda di Green Corridor bayendo direccion abou , un Nissan March color berde a baha caminda y dal riba un palo di lus y kibra esaki.
Mesora polis a yega na e sitio pa asina wak kiko tabata pasando. A meld na prome instante di un accidente basta pisa cu a caba di sosode. A pidi presencia di ambulance na e sitio pasobra cu e manehador di e Nissan March a bira malo na stuur. Paramediconan a atende cu e manehador di e auto y bay cune hospital. E daño material tabata basta grandi. E chauffeur ta sufri di Epilepsia y esey parce a pone cu el a perde control despues di bira malo. Takelwagen a wordo pidi pa asina kita e auto for di caminda.
