E hoben ciclista Chaim De L’isle a ser acompaña cu un ayo hopi special riba dia di su entiero diasabra. Net prome cu aña nobo el a haya un accidente cu bicicleta y auto riba crusada di Alhambra. Despues di dos dia a fayece na Hospital.
Ciclistanan y famia a uni dos atardi na crusada unda e accidente a tuma lugar. Despues a haci preparacion pa entiero. E entiero tabata diasabra. Famianan a topa na funeraria y for di Santa Cruz un grupo grandi di ciclista a sali tambe te na funeraria.
Djey nan a sali hunto cu e auto di morto for di funeraria pa Kerki na Piedra Plat. Eynan e curpa di Chaim a keda te ora cu a yega e momento pa hibe na su ultimo lugar di sosiego den santana. Ciclistanan a compaña famia pa asina tambe manda un mensahe di solidaridad na nan.
Mayan nan tambe por haya nan mes den un situacion asina. Kier manda un mensahe pa evita e tipo di accidentenan asina. Kier pa chauffeurnan ta mas cauteloso riba caminda y baha velocidad ora cu mira un ciclista.
Cu Chaim sosega na pas y cu Dios tume den su reino. Forsa na e famia.
