E interes grandi pa bishita nos prome mercado y hasi nan compras. E biaha aki e fecha ta diadomingo awo 5 di mei venidero enconeccion cu celebracion di “Dia di Tera” for di 9’or di mainta te cu 3’or di atardi cu productonan fresco manera fruta cu berdura ta esuna cu mas liher a caba durante mercado. Esey ta duna un indicacion cu hopi ta esnan cu tin e necesidad di nos mesun productonan local manera fruta cu berdura.
Nos ta hasi un apelacion na tur nos productornan local mirando awor cu nos a anucncia pa den dado caso cu pa e fecha ariba menciona cu por tin productonan fresco pa tuma contacto cu Santa Rosa y registra.
Esaki ta hasi cu bo por logra haya un tent pa asina por ofrece bo producto. Mas cu claro tur cosecha tin preferencia y ta mas cu bon bini den nos mercado. Esaki ta e motibo principal di nos Mercado Santa Rosa. Mester menciona tambe hunto cu e fruta y berdura ta bin e carni fresco di nos productornan local. Semper tene na cuenta si cu e regla cu nos ta pone enfasis riba dje ta cu e bestia mester wordo mata na servicio di veterinario cu ta Abbatior.
E carni nos mester por reconoce cu tin e stempel official di dicho departamento visible. Pa por bende e carni aki den nos Mercado Santa Rosa e productor mester percura pa tin un freezer cu e temperatura adecuado y bon paketa na e cantidad di kilo of liber desea. E productor mester percura pa pone su carni nan aden durante di e benta. Esaki no tin duda riba dje y nos mester pecura pa no tin ningun tipo di desvio pa cu e regal aki. Den dado caso cu esaki nos tuma nota cu algo no ta bon sigur bo no lo wordo permiti pa bende bo producto na ningun cliente di nos mercado.
Asina ta tuma bon nota di e exigencianan principal aki pa yega na remarke pa participa den nos mercado Santa Rosa. No duda mes pa esnan cu ta ofrece cumnda durante di nos mercado percura pabo caarchi di “Gezondheid”. Sin e “caarchi berde aki bo no ta wordo permiti pa bende cuminda. Tene na cuenta cu mester yega trempan y pone pa drecha bo tent prome cu e actividad cuminsa.
No lubida nos prome Mercado Santa Rosa ta dia 5 di Mei hunto cu un Opendag celebrando Dia di Tera. Ambiente musical lo ta den man di Grupo di Betico pa anima tur presente. Por tuma contacto cu nos na tel: 585-8102 y puntra pa Jennifer Gamez y registra bo producto fresco of cosecha fresco cubo por tin pa e fecha aki di nos mercado.
