Di acuerdo cu cifranan oficial di Directie Volksgezondheid Aruba (DVG), cu awe 61 persona a recupera y a registra un total di 20 caso nobo di COVID-19, di cual 3 ta no-residente. E cifranan aki ta representa un ‘Positivity rate’ bou di nos residentenan di 42%.
E cantidad di casonan activo di COVID-19 pa awe ta 169 y cantidad di mortonan relaciona cu COVID-19 ta keda na 195. Datonan ta ilustra casonan nobo di COVID cu un averahe semanal di 49 caso pa dia y un averahe di ‘Positivity rate’ semanal di 37% pa dia.
Actualmente na Aruba tin 19 pashent interna cu of debi na COVID di cual den ICU tin 2 pashent y riba piso general tin 17. Na Colombia tin actualmente 7 pashent den ICU y ningun (0) riba piso general.
