Esaki no ta prome biaha cu mesun pashent di PAAZ ta yega na un hotel riba e strip di Juancho Irausquin Blvd pa purba bula for di pisonan halto. Den dos siman di tempo e camareranan ta evita un morto mahos di e señora cu un problema mental hopi serio. E prome intento a purba di evita e publicacion pero e biaha aki mester pone esaki na publicidad pasobra na PAAZ tambe mester pone un tiki mas atencion pa esnan cu ta interna.
Biaha pasa e dama aki no naci na Aruba y di inicialnan E.H.B.C. a drenta e propiedad di e hotel. Parce añanan atras el a yega di traha eynan. Awendia parce su yiu lo ta traha na e mesun compania den un casino. E prome biaha el a pasa bay subi te na piso 17 di e hotel. Djey el a cana den e pasiyo y haya un camber habri. Ora di hasi limpiesa ta laga e porta habri. Esaki ta algo normal den tur hotel. Asina e señora a probecha y drenta e camber bay directamente na e balcon pa bula. E camarera a busca manera di pare bise no mag drenta. Despues a realisa su intencion y el a core tene y evita cu e ta bula.El a grita pa yudansa y nan a core bin duna un man.
Polis a ser yama y nan a bay cune pa Hospitaal unda a entrega e señora finalmente na PAAZ. Ora tur hende a kere cu e cos aki lo pasa un solo biaha, ata diaranzon el a presenta atrobe. E biaha aki el a subi te piso 18. Eynan a bolbe busca un chens den un camber habri durante limpieza y asina bay directamente na e balcon cla pa bula. E camarera a purba evita y grita pa auxilio. El a tene e señora cu a dal e camarera y pushe te cu el a dal su curpa y keda herida cu slanan fuerte na lomba. Otro coleganan a core bin pa evita cu e señora a bolbe bula di 18 piso e biaha aki. Polis a ser yama atrobe. A bolbe bisa cu nan lo hibe PAAZ. Mientrastanto a pidi pa ambulance pa paramediconan bin mira e trahador cu tabata benta den balcon kehando di dolornan fuerte. Finalmente a bay cu e señora trahador cu tabata herida pa Hospital. E motibo cu no a pone e news biaha pasa, tabata pa evita cu otronan lo purba hasi mescos.
Pero awor mester publike pasobra si e bula for di e piso ey, e ta bira sigur un problema serio pa e turismo. Hopi lo mire bin abou y su caida lo ta fatal. Diaranzon despues cu a impedi e señora, el a expresa cu e lo bolbe y lo keda purba te dia cu e logra. E problema mental ta serio. Spera cu na PAAZ evita su salida pasobra e ta cana bay te den e area hotelero pa sigui hasi intentonan pa asina bula for di e balcon na pisonan mas halto di cualkier hotel cu e drenta.
