Despues cu a nenga e lista di testigonan den caso di ex-minister Paul Croes, a dicidi cu e tratamento mes lo tuma luga te otro aña.
Na inicio di e luna aki abogado mr. Desiree Croes a pidi hof pa scucha un lista largo di testigo, cu ta e personanan cu a haci regalo cash na casamento di Paul Croes. Esaki relaciona cu e echo cu ta bisa cu tin un suma cu no por wordo splica di unda a saca esaki y cu nan a gasta.
Procurador General a bay contra e peticion aki, pero hof a bisa cu nan lo mester bay pensa riba esaki. Na final, awe merdia, a dicidi cu no ta acepta pa scucha e testigonan. Y e motibo ta cu tin un carta caba di diferente di nan bisando kico tabata e situacion.
Pues tratamento di e ontneming, unda ta papia di un suma di 180 mil florin, lo tuma luga riba 21 di maart, 2024.
