Den e temponan aki bo ta tende tur tipo di grito for di hendenan cu ta bisa cu awendia casnan a bira impagabel na Aruba. Pa bo haya un cas, bo tin cu paga hopi placa, na unda practicamente ora bo bay banco y wak prijs di cas anto wak loke bo ta gana, e chens pa haya un prestamo ta casi cero. Kiermen e chens ta poco pa haya prestamo pa motibo di e prijsnan cu bo tin cu paga p’un cas, dependiendo na unda, den ki area, districto of bario. Cada biaha casnan ta birando mas caro dependiendo ki tipo di tereno, ki tipo di cas si e ta nobo of otro motibo.
Notario Ralph Yarzagaray ta un persona cu tur dia ta pasa un acta y tabata den Enfoke dialuna merdia pa aclaria cualkier duda cu tin, y kico ta e motibonan pa kico tin biaha bo ta haya casnan cu segun pueblo a bira impagabel.
Hopi cas ta Airbnb tambe awor. “E kehonan aki t’ey, pero e ta un escasez cu ta artificial,” segun Yarzagaray. Si no tin suficiente tereno pa cumpra of erfpacht, e demanda ta keda local pa cuminsa, y esey lo incrementa e prijs. Los di e materialnan pa construi cu ta importa for di Merca of otro paisnan cu tambe tin su inflacion.
Lesa mas den TREMPAN.
