Diahuebs mainta lo bay tin algun caso interesante riba rol. Pero aparentemente no ta tur e casonan lo sigui pa motibo di falta di informacion.
E prome caso ta uno di labamento di placa contra: Melody Henriquez; Yuraney Toppenberg y Radamel Ray Jimenez.
Nan ta wordo acusa di labamento di varios suma di placa den e periodo di prome di januari 2018 te 22 di april 2022. E ta wordo acusa di heling di un vehiculo, esta, un boto, den e periodo di 27 di october 2021 te 30 di maart 2022.
Toppenberg ta wordo acusa di labamento di sumanan di placa den e periodo di prome di januari 2017 te 30 di maart 2022. E ta wordo acusa di heling di un auto y joyas y placa riba 30 di maart 2022.
R.J. ta wordo acusa di labamento di placa den e periodo di prome di januari 2018 te 30 di maart 2022. E ta wordo acusa di heling di e boto ya menciona, un auto y/of varios joyas y sumanan di Dollars y Florin.
Joshua Gonsalves, Sharduearly Fradl y Josue Miranda ta wordo acusa di importacion di cocaina riba 16 di augustus 2023. Despues Johanklin Marcano y ta wordo acusa di a menasa tres hende cu morto riba 13 di augustus 2023.
Na final, den oranan di merdia tin e caso contra un ex-funcionario di Departamento di Impuesto. Ta trata di Michael Gario, kende tabata Manager di seccion di Restitutie. E tabata pidi e hendenan placa pa e yuda pone e documentonan di nan mas ariba pa haya pago di Restitutie mas lihe.
E acusacion contra dje ta cu el a tuma placa como ambtenaar den e periodo di prome di april 2021 te cu 3 di juni, 2022 a cambio di fabornan.
