Casa y otro homber deteni pa sospecho di asesinato

Diamars mainta dia 26 di November, autoridad a ser avisa di un homber cu no ta reacciona riba cama. E caso a sosode na Madiki Kavel. Polis na yegada a pidi pa presencia di ambulance. Paramediconan a ripara cu e persona ta morto.

Su curpa tabata stijf y ta mustra cu ta basta rato caba e ta morto. Ademas a mira poco sla na su cara dunando indicacion cu sea el a cay of el a wordo agredi. Presencia di Cuerpo Tecnico BFTO y tambe Recherche di Playa a wordo pidi riba e fecha ey. Nan a cuminsa cu nan investigacion y hasta a avisa fiscal. Despues cu dokter a constata morto, fiscal a duna ordo pa tuma e curpa den beslag pa asina forma parti di un investigacion.

E victima tabata Alex Tromp naci na Aruba 26-09-1964. Autoridad lo laga haci autopsia pa asina saca afor si el a fayece di e golpinan cu a haya na su curpa. A investiga tambe si e tin problema cu cualkier persona eyfo. Recherchenan di Oranjestad no a sosega y a hasi un investigacion riguroso den e caso aki. Esaki a conduci cu diamars 12 di Februari a detene e señora M.O.T.M. y e homber E.A.M. E señora M.O.T.M ta e casa di e victima cu a fayece y awor ta sospechoso pa morto di su casa.

Comments

comments